radiosama

تعالوا الى يا جميع المتعبين و ثقليى الأحمال و أنا أريحكم
 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 الف ليلة و ليلة 2010

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
مجدى
مدير المنتدى
avatar

عدد المساهمات : 168
تاريخ التسجيل : 05/05/2010
العمر : 41

مُساهمةموضوع: الف ليلة و ليلة 2010   الجمعة مايو 07, 2010 11:34 am

فى ليلة منيلة بنيلة

من ليالى ألف ليلة و ليلة

دخلت شهرزاد يغلبها النعاس على الملك عباس

-: وقالت


بلغنى أيها الملك عباس . أن الأميرة ايناس . عندما دعكت الفانوس النحاس
فتحت الترباس على الجنى محروس حارس الفانوس
فخرج محروس الجنى الكبير . و هو متلفح ببشكير

- : و قال بصوته الجهير

ايه اللى انتى عملتيه ده يا ست ؟
كده تطلعينى من التواليت ؟
و تقطعى عليا أحلى دش مية
و تطلعينى فى السقعة دية ؟

- : قالت

و حياة راس أمك نفيسة
أنا فى مشكلة عويصة

- : رد باستغراب و هو يحك ذقنه كالغراب

طيب أحكى أوام أحسن يجيلى زكام علشان لسة خارج من الحمام

-: قالت

ذهب أبى السلطان منذ بضعة أيام فى جولة تفقدية لأحوال الرعية
و بعدما ودعته فى المطار
أخد البساط و طار
و انطلق ليرى الناس الغلابة فى الكوفة و البصرة و امبابة

و بينما هو طائر وسط السحاب . حدث فى الجو انقلاب
فقد بدأت تهطل الأمطار
و أعلنت الريح عن قدوم اعصار
فقرر السلطان و أحسن الاختيار
أن يطير تحت مستوى الرادار
و لكن الأمطار أثقلت البساط و لم ينفع معها طيار الاحتياط
و انشفط السلطان داخل العاصفة الجوية كما تشفط الأتربة بالمكنسة الكهربائية

و ظل هو و البساط داخل الزوبعة ثلاث ساعات أو أربعة
و لكنه نجا باعجاز الهى و ظن أنه كان فى الملاهى
و أخذت رأسه تدور مثل بوبينة الموتور
و عندما توقفت السيول . اتصل بى على المحمول و أنشد يقول

يا بنت السلطان .:. أبوكى عيان
تايه وسط الصحرا .:. و البساط عطلان

ثم نظرت نحو الجنى نظرة مقلقة . و زفرت زفرة حارقة

- : فقال الجنى محروس عفريت الفانوس

و المطلوب منى يا ست الكل .. انجزى أحسن هاعيا و يجيلى سل

قالت له بحزن عميق : لقد أغلق كل طريق

و أقفلت شركة الطيران السحرى كل رحلات النقل الجوى و البحرى
نظرا لسوء الأحوال الجوية و السيول المائية

- : فقال العفريت بأسلوب أليط

يعنى عايزانى أجيب لك أبوكى بعربيتى الشيروكى
فى ثانية هاجيبلك مولايا .. بس حلى عن قفايا

و بعد ساعة زمن وصل العفريت و معه السلطان

- : و قال العفريت للأميرة بطريقة مثيرة

سلمى على أبيكى و هاتى للبساط واحد ميكانيكى

و سيبونى أريح شوية فى الفانوس . أحسن أنا منكم مفروس

علشان جبتولى زكام

سيبونى بقى أتخمد و أنام

و ماحدش يطلب منى أى مطلوب أحسن و الله أديله بالمركوب

و عندها أدرك شهرزاد الصباح

فسكتت عن الكلام المباح

_________________
أهلا و سهلا بيكم فى المنتدى و سعداء بتشريفكم المنتدى بتسجيل اسمائكم فى المنتدى و منتظريين مشاركتكم معنا فى المنتدى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://radioibrahim.ahlamontada.com
 
الف ليلة و ليلة 2010
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1
 مواضيع مماثلة
-
» التعليم المبرمج ـ منقول ـ
» الرياضة بولاية غرداية...هلال غرداية
» المنمنمات
» عاجل .. القمص مكاري يمتنع عن الصلاة ويلغى الاجتماع احتجاجا
» سيف الدين قطز

صلاحيات هذا المنتدى:لاتستطيع الرد على المواضيع في هذا المنتدى
radiosama :: هوايات :: أضحك كركر ( نكت)-
انتقل الى: