radiosama
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

radiosama

تعالوا الى يا جميع المتعبين و ثقليى الأحمال و أنا أريحكم
 
الرئيسيةأحدث الصورالتسجيلدخول

 

 هو انا اتغيرت؟؟؟؟

اذهب الى الأسفل 
كاتب الموضوعرسالة
????
زائر




هو انا اتغيرت؟؟؟؟ Empty
مُساهمةموضوع: هو انا اتغيرت؟؟؟؟   هو انا اتغيرت؟؟؟؟ Icon_minitime1الخميس يونيو 10, 2010 6:31 am

ساعات او كتييير بنمر بوقت مش بنكون فاهمين فيه قصد ربنا ... ليه بتعمل كده؟؟؟
او بحسب تعبير حد قالهولى بنبقى حاسين اننا اخدنا مقلب فى ربنا ... توقعنا حاجات وفجأة لاقينا عكسها
وثقنا فيه وحسينا فى لحظة ان ثقتنا دى مكنتش صح .. حلمنا ووقعنا على جدور رقبتنا
حاجات كتير باظت وبنظرتنا احنا مينفعش تتصلح
بس لما بنيجى قدامه وعيونا مليانة دموع فيها عتاب بس مع حب .... ونقوله ليه؟؟؟؟
بيكون رده بكل حب علينا : عشان اكبرك
عشان اعلمك الطيران لازم ارميك ... وعشان اعلمك يعنى ايه ثقة لازم تمر باختبارات قاسية
ازاى بتقول انك واثق فيا وحياتك وردى .. ايه لازمة الثقة ساعتها

تقوله طب يارب انا مش عارف اسبحك ولا عارف اتكلم معاك ولا قادر اعيش كده...
يقولك : افتكر حساناتى وسبحنى عليها وعيش بيها ...
. مش انا اللى غفرت كل ذنوبك ،، مش انا اللى شفيت كل امراضك،،،
مش انا اللى كللت حياتك بالرحمة والرأفة ..،،، مش انا اللى باشبع بالخير عمرك فيتجدد مثل النسر شبابك

وساعتها متبقاش عارف ترد .. فيقولك هو بكل حنان:
هو انا اتغيرت؟؟؟؟ هو انا ممكن اتخلى عن ولادى؟؟؟ ممكن اوعدك وارجع فى وعدى؟؟

تقوله: لا يارب حاشا ليك ( يمكن تبقى مشاعرك عكسها شوية بس ايمانك مصدقها)
يقولك : خليك مصدق فيا وانا هاعديك واكيد كل الامور هتبقى لخيرك
مستقبلك ده مضمون فيا ... زمان كنت بتغنى وترنم وتقول انا ضامن مستقبلى فى يسوع .
. ليه دلوقتى لما اتحطت قدامك اختيارات صعبة بقيت خايف من المستقبل.. ليه شايل هم الايام .
. ليه بتفكر فى البطالة والجيش والشغل والكلية والدراسة والجواز و مستقبل العيال و.
........... انا روحت فين يابنى من حياتك؟؟
مش انا اللى مرتب مستقبلك وحافظ طريقك .. ومديك سلام...
اطلبنى انت بس وانا هاكمل الباقى وصدقنى حياتك مش هتطلع احلى من اللى انا بارسمها

" اذا طلبت من الله ان يرسم لك مستقبلك فلا تمسك بيده اثناء الرسم"

" بجد يابابا باشكرك لانك حافظ مستقبلى وراسم احلى صورة لحياتى
... باشكرك لان عمرى وحياتى مضمونين فيك مش بس فى الابدية لكن كمان هنا على الارض..
باشكرك لان مفيش صديق بيتخلى عنه ولا ذرية ليك بتلتمس خبزا... دايما يارب عينك علينا ومرتب احوالنا
.. بشكرك لان يمينك شايلانا وانت قادر تحول اللعنة لبركة لاجل ولادك ...
مفيش حاجة بتقف قدامك وان وقف البحر قصاد شعبك تشقه وتعمل منه طريق...
انا مش هامسك ايدك وانت بترسملى طريق حياتى وهاسيبك تكمل وتشكل فيا زى مانت عايز...
انا باخضع ليك بالكامل... يمكن مش فاهم اوى بس واثق فيك اوى وللاخر..
. ارجوك بس امنحنى ايمان عشان اقدر اكمل واثق فيك .. فى اسم يسوع " امين
الرجوع الى أعلى الصفحة اذهب الى الأسفل
 
هو انا اتغيرت؟؟؟؟
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
radiosama :: الأسرة و المجتمع :: الشباب-
انتقل الى: